Ang Talambuhay ni Charlene L. Banzuela

Ang Talambuhay ni Charlene L. Banzuela

Sa isang may kayang pamilya nagmula si Calixto Banzuela, anak ng mag-asawang Rosita Masongsong at Lucas Banzuela. Nagmamay-ari sila ng lupa, bahay, mga sasakyan at mayroon ding pinagkakakitaang negosyo. Nagkaroon sila ng labingtatlong anak at ito ay sina Emelia, Honorato, Alipio, Calixto, Agrifino, Apolonia, Librada, Lucia, Marites, Melchor, Celerina, Valentino ngunit namatay ilang oras ang kapanganakan dahil mayroon itong sakit at Arcenio na namatay ilang araw pagkatapos ipanganak. Makalipas ang ilang taon, pumanaw ang kanilang ama dahil sa  sakit sa baga. At dahil narin doon ay nakapag-asawang muli ang kanilang ina. Napangasawa niya si Castro Escueta, ngunit makalipas ang pitong taon ay pumanaw din ito sa kadahilanang inatake ito sa puso.

Samantala, nagmula naman sa isang simple at payak na pamilya si Emelita Laparan, anak ng mag-asawang Natalia Ramos at Joaquin Laparan. Ilang taon din silang nagsama ngunit matapos ipanganak ang bunsong anak ay bigla nalang iniwan at nilisan ni Joaquin ang kanyang pamilya. Tanging si Natalia ang nag-alaga, nag-aruga, at bumuhay sa kanyang limang anak na sina Bernardo, Gloria, Emelita, Jose at Napo. Pinasok niya ang iba’t-ibang trabaho, upang mairos ang bawat araw ng kanilang buhay.

Sa bayan ng Alaminos, unang nagkakilala sina Emelita at Calixto at dito ay nabuo ang kanilang pagkakaibigan. Makalipas ang isang taon nabuo ang  kanilang relasyon bilang magkasintahan. At nagpakasal makaraan ang walong buwan. Taong 1984, ika-5 ng Hunyo  ay naideklara na ang dalwa bilang mag-asawa sa Nuestra Seniora Del Pillar Parish sa Alaminos, Laguna. Noong una ay nanirahan muna sila sa isang dampa o kubo habang inaantay ang pagkakatapos ng kaniilang pinagagawang bahay sa San Agustin Alaminos, Laguna upang matutuhan ang pamumuhay bilang mag-asawa at matutuhan kung paano humawak ng pera at magtrabaho para sa mga magiging anak. 

Isang taon makalipas ang kanilang kasal ay isinilang si Julius, ang kanilang paganay. Nakapagtapos siya ng kolehiyo sa Laguna State Polytechnic College sa kursong  Automotive Technology  o mas kilala bilang AT. Siya ay kasalukuyang kasalukuyang may tatlong anak kay Rowena Reyes na sina Jhawen Danne apat na taong gulang, Jake Ryan tatlong taong gulang, at Jaera Aaliyah na kakadiwang lang ng ika-isang taong gulang noong ika-1 ng Marso. Si Cherry Lyn na isinilang makalipas ang isang taon noong ika-17 ng Disyembre taong 1986 sa San Agustin Alaminos, Laguna ang pangalawang anak na kasalukuyang nagtuturo sa Mabababang Paaralan ng San Miguel sa Alaminos, Laguna. Ang ikatlo na si Jerwin na kasalukuyang nag-aaral sa Laguna State Polytechnic University sa kursong Edukasyon ay  isinilang noong Setyembre, 29 1988.

Si Charlene noong apat
na buwang gulang

Makalipas ang pitong taon ay ipinanganak naman ang kasalukuyang bunso sa apat na magkakapatid na si Charlene. Isinilang siya noong ika-20 ng Disyembre taong 1995 sa Barangay San Agustin Alaminos, Laguna. Walong buwan matapos ang kanyang kapanganakan ay bininyagan siya sa Nuestra Seniora Del Pillar Parish kasama ang nag-iisang ninong na si Abner Malabanan at nag-iisa ding ninang na si Mercedes Dimaano na kasalukuyang naninirahan sa Canada kasama ang kanyang pamilya.

Larawan ng siya ay
makapagtaposng kinder

Dumaan ang mga panahon na dapat na siyang mag-aral. Taong 2000 nag-aral siya ng kinder sa ilallim ng tagapayong si Gng. Rose Villar. At pagkatapos nito ay nagtuloy na siya patungong Elementarya sa paaralan ng kanilang barangay na mas kilala bilang “San Agustin Elementary School”.

Larawan noong sumali si Charlene
sa Mardigra noong Elementarya

 Naging malabo sa kanya ang aralin sa Elementarya dahil sa madalas na pagliban sa klase. Naging tagapayo niya sa ika-unang  baitang si Gng. Milagros D. Fandialan, na nagturo sa kanyang bumasa at sumulat.Si Gng. Leonila Padua nagturo sa kanyang mas hubugin lalo ang kanyang pagbasa at pagsulat. Naging tagapayo niya si Gng. Jovita  Tolentino nang tahakin niya ang ikatlong baitang. Nang mga panahong ito ay naging aktibo siya sa mga aktibidad sa paaralan sa larangan ng pagsayaw.

Larawan noong nakilahok
sa DepEd Night 

Lumalahok siya sa iba’t-ibang uri ng sayaw tulad ng Mardigra at DepEd Night hanggang ika-anim na baitang, ito ang nagtulak sa kanya upang mas pag-ibayuhin ang kanyang pag-aaral. Si Gng. Ruby C. Monzones naman ang kanyang naging tagapayo noog siya ay nasa ikaapat na baitang, si Gng. Cristina R. Sumadsad sa ikalimang baitang. Ang lahat sa kanya ay nag-iba matapos ang ikalimang baitang. Dahil sa gurong si Bb. Cherry F. Castillo,ang naging tagapayo niya noong siya ay nasa ika-anim na baitang. Siya ang nagturo sa kanya upang  mas lalong pag-ibayuhin ang kaniyang pag-aaral. Nagkaroon siya ng hilig sa larangan ng sports. Sumali siya  sa labanan sa pagtakbo at nagkamit din ng ilang medalya.

Kuha noong nakapagtapos
si Charlene ng Elementarya

Ang ilang samahan at pagkakaibigan ay nabuo sa mga araw ng Elementarya. Ang mga oras na nagpadaloy sa kanilang mga luha ay ang araw na kanilang pagtatapos ng elementarya upang tahakin ang ikalawang yugto ng kanilang pag-aaral-- ang landas patungong sekondarya. Ika-28 ng Marso taong 2008 hindi man naideklara bilang first honor ay nagkamit naman siya ng iba’t-ibang karangalan tulad ng Special Awards na Most Responsible, medalya sa mga sinalihang aktibidad o mga pampalakasan at medalya mula sa mga napasahang pag-susulit para sa Scholarship ng Sekondarya. Ang pamilya niya ang naging inspirasyon niya upang pagbutihin at pagsikapan pa kanyang pag-aaral.

Larawan mula sa Kamay ni Hesus
sa Lucban Quezon

At tinahak na nga niya ang buhay bilang hayskul. Nagbakasakali siya sa Mataas na paaralan ng Col. Lauro D. Dizon Memorial National High School kasama ang kanyang kaibigan at pinsan na si Mary Joy Laparan dahil ayon sa kanyang ina ay maganda ang aral dito at sa kadahilanan narin na dito nagtapos  ang kanyang dalawang kapatid na sina Cherry Lyn at Jerwin ng sekondarya na noon ay tinatawag pang Annex five(5) . At sa mabuting kapalaran ay nakapasok sila dito dahil narin sa tulong ng mga guro na nagtuturo doon na sina Gng. Hitosis at Gng. Rosita Banzuela. Umasa ang magpinsan na sila’y magiging magkakalase dahil magkalapit ang kanilang kabuuang marka o Average Grade ngunit hindi ito nangyari. Kabilang sa unang antas seksyon E si Mary Joy, samantalang napunta naman sa seksyon D si Charlene. Ngunit ganoon pa man ay hindi naging hadlang ito upang lumayo at maputol ang kanilang pagkakakabigan. Naging madali para sa kanila ang makisama sa iba. Unang araw pa lamang ay  Kahit na ika-lima na ng hapon umaawas si Charlene ay matiyaga parin siyang inaantay ni Mary Joy. Nagkaroon din sila ng mga kaibigan. Nakilala ni Charlene ang dati niyang kamag-aaral na si Maila Aquino na nagkataong naging kanyang kakalase. Di tulad noon, mas naging malapit ang dalawa sa isa’t-isa. Nakilala at naging malapit din niyang kaibigan sina Daimy Jane Agbayani, Angelu Jane Aquino at marami pang iba. Naging masaya ang mga araw para sa kanya ng unang antas. At bilang pasasalamat na rin, nagpunta siya kasama ang kanyang mga kapamilya at kamag-anak sa “Kamay ni Jesus” sa Lucban Quezon.

Pagdating ng bakasyon nagkaroon siya ng konting pagkakakitaan kasama ang kanyang mga pinsan. Sinubukan nila ang magtinda ng mga mirienda tulad ng banana Q, ice candy, palamig at marami pang iba kasama ang kanyang mga pinsan upang kumita na rin ng pera na maaari nilang maibigay sa kanilang mga magulang at maging kapaki-pakinabang ang kaniyang bakasyon.

Larawan ng mga estudyante mula
sa II-C Batch 2009-2010

       Ikalawang taon na. At sa magandang kapalaran ay tumaas ang antas niya. Napunta siya sa seksyon C.  Naging kamag-aaral niyang muli si Maila. Naging tagapayo nila si Gng. Viola Lingad na guro nila sa asignaturang Filipino. Nang mga panahon din ito ay nakikilahok din siya sa mga quiz bee sa Filipino o tinatawag ding “Pingkian”.  Ngunit sa kabila nito ay maraming siyang naging pagsubok at naging problema sa ikalawang antas. Isa na rito ang pagkakabagsak niya sa Science noong ikalawang markahan. Ayon sa kanyang guro ng Science hindi siya nagpasa ng kanyang listahan ng mga marka sa kanyang mga aktibidad at mga pagsusulit kaya siya ay hindi nakapasa. Ngunit alam ni Charlene sa sarili na nagsumite siya, ngunit nanatili siyang tahimik at hinayaan na lang ang nangyari na naging dahilan ng kanyang pagsisisi. Nalaman ito ng kanyang ina na naging dahilan upang ito ay magkaroon ng sama ng loob sa anak. Ngunit ang pangyayaring ito ang nagtulak sa kanya upang pagbutihin at pag-ibayuhin pa niya ang  kanyang pag-aaral lalung-lalo  na sa Science. At hindi naman sila nabigo kay Charlene at sa katunayan naging isa pa siya sa mga mahuhusay na mag-aaral sa kanilang seksyon bilang Top 4 sa klase. Ito rin ang naging panahon ng pagsali nila sa dulaan ng Florante at Laura na humakot ng maraming parangal. Itinanghal ang kanilang seksyon na 2^nd runner-up o ikatlo sa pinakamagaling na nagpakita ng pagtatanghal. Kabilang siya sa grupo ng mga Mambibigkas na naging 2^nd runner-up. Samantalng ang nag-wagi naman ay ang Seksyon A.  Naging mas masaya at makulay para sa kanya ang ikalawanng taon ng hayskul kaysa noon kahit na nagkaroon siya ng mga pagsubok na sumubok sa kanyang pag-asa,pangarap at tiwala sa sarili.

Larawan ng III-B Batch 2010-2011

Isang taon na naman ang lumipas at nasa ikatlong antas na siya. Isang magandang balita para sa kanya ang mapataas ang seksyon na kinalalagyan mula C at napunta sa seksyon B, ngunit naging malungkot ito para sa kanya dahil nawalay sa kanya ang mga malalapit niyang kaibigan ngunit naging daan upang magkaroon siya ng mas maraming kaibigan, ilan na nga sa mga ito ay sina Joan, Joy, Fatima, at Ferlyn na tunay na naging malapit sa kanya. Samantala naging tagapayo naman nila si Gng. Lorna Umali na guro nila sa T.L.E. at Bb. Anna Lee bilang Co-adviser.

Larawan ni Charlene
kasama ang kanyang
damit pang-J.S.

Buwan ng Pebrero, at kaakibat nito ang pagkakaroon ng Junior Senior Promenade o mas kilala sa simpleng katawagan ng mga estudyante ng Dizon High bilang J.S. na nilalahukan ng mga estudyante mula ikatlong antas hanggang ikaapat na antas. Nakilahok siya sa J.S. kasama ang ibang mga kamag-aaral. Ang nasabing Promenade ay may temang Hawaiian Party. Nagsimula ang nasabing kasiyahan ng ika-anim ng gabi at natapos ng ikaapat ng umaga. Naging masaya, makulay, simple ngunit lubhang maganda ang Promenade na naganap.

Larawan ng mga III-B na nakilahok sa J.S. noong 2010-2011

           Apat na buwan ang lumipas at nasa ika-apat na antas na siya ng sekondarya at nanatili naman siya sa seksyon B o mas kilala bilng 4-Blake kasama ang mga dating kamag-aaral, ngunit napahiwalay sa mga malalapit na kaibigan. ang kanilang seksyon ay binubuo ng labing dalawang lalaki at apatnapu’t dalawang babae sa ilalim ng pangangalaga ni G. Romualdo H. Vasquez na kasalukuyang guro nila sa Science 4 (Physics). Marami ang naging pagbabago ang naganap. Una na dito ay ang pagkawala ng Senior Olympics, pagkakaroon ng National Achiement Test  o (NAT) para sa mga mag-aaral ng lahat ng nasa ikaapat na antas sa buong bansa na naganap noong ika-9 ng Marso taong kasalukuyan. Ang antas na ito ay nangangahulugan na nalalapit na ang kanilang graduation o ang kanilang pagtatapos sa sekondarya kaya marami ng mga paaralan ang pumupunta upang sila’y bigyan ng mga pagsususlit para sa darating na Kolehiyo. Nagpunta si Chalene kasama ng kanyang pinsan na si Joy sa P.U.P Sto. Tomas Batangas upang makakuha ng test. Maraming kurso ang pumapasok sa kanyang isipan ngunit mas malapit sa kanyang puso ang pagiging guro dahil alam niyang magiging masaya dito, at ito ang kanyang kinahihiligan. Naging inspirasyon niya ang mga nagdaang guro na nagturo sa kanya sa maraming bagayat ang kanyang Ate.

At ngayong taong ito ay magsisimula na ang kanyang buhay bilang kolehiyo. Alam niya na ang lahat ng ito ay hindi niya makakamit kung hindi dahil sa mga guro walang sawang nagtuturo at nagpapaalala sa kanya na kailangan tayong magkaroon ng pangarap sa buhay upang magkaroon ng patutunguhanan ang ating kinabukasan at sa kanyang di malilimutang pinanggalingang paaralan ng Col. Lauro D. Dizon Memorial National High School. “Maraming Salamat!”

At sa nalalapit niyang pagtatapos maging malungkot man ito at mapuno ng iyakan, ay babaunin niya ang lahat ng natutunan at masasayang sandali ng kanyang buhay patungo sa ikatlong bahagi ng kanyang pag-aaral. Ang mga masasayang pangyayari na hindi matutumbasan ng anumang materyal na bagay sa mundo.

Larawan ni Charlene 

 Ako, si Charlene L. Banzuela na labing anim na taong gulang na (16) ngayong taong kasalukuyan. Ako ay isang mag-aaral na produkto ng Col. Lauro D. Dizon Memorial National High School San Pablo City ay may buong pagmamalaking sasabihin at isisigaw sa lahat na “PROUD TO BE DIZONIAN AKO!”

"Maraming Salamat po sa inyong lahat!"